बुटवल, असोज २७ ।

सिद्धबाबा मिष्ठान्न भण्डारले बुटवलको देवीनगरमा आफ्नो तेस्रो शाखा भाेलिदेखि संचालनमा ल्याउने भएको छ ।यसअघि बुटवलको गोलपार्क, सिद्धबाबा धाम र योगिकुटीमा तीनवटा शाखा संचालन गरि सकेको सिद्धबाबा मिष्ठान्न भण्डारले दशैको घटस्थापनादेखि देवीनगरमा तेस्रो शाखा शुभारम्भ गर्न थालेको हो ।

शाखा शुभारम्भको पुर्वसन्धामा शनिबार आयोजित पत्रकार सम्मेलनमा मिष्ठान्न भण्डारका संचालक लक्ष्मण पोखरलले स्थानीय सेवाग्राहीको मागका आधारमा देवीनगरमा आफ्नो तेस्रो शाखा खोलिएको बताउनुभयो ।

शाखा संचालनका लागि ५० लाख लगानी गरेको उल्लेख गर्दै उहाँले अन्य तीनबटा स्थानमा खोलिएका मिष्ठान भण्डारमा ५ करोडको लगानी रहेको बताउनुभयो । उहाँले तीनवटा शाखामा ५० जनाले रोजगारी पाएको बताउनुभयो ।  बुटवलमा स्पेशल लड्डु र दुध मलाइका नामले परिचित सिद्धबाबाका तीनवटै शाखाबाट दैनिक ५० किलो मिठाइ र पाँच सय लिटर दुध खपत हुने गरेको संचालक पार्वती पोखरेलले बताउनुभयो ।

मिठाइ उत्पादनकालागि छुट्टै उद्योग समेत संचालनमा रहेको बताउनु भएका संचालक पोखरलेले चाडपर्वको समयमा ग्राहकका लागि विषेश छुट योजना समेत ल्याइने जानकारी दिनुभयो । मिष्ठान्न तथा क्याटरिङ ब्यवसायी संघका अध्यक्ष समेत रहेको संचालक पोखरलेले रुपन्देहीमा दुई सयको हाराहारीमा मिष्ठान्न ब्यवसायी रहेको जानकारी दिनुभयो ।

नागरिक अनलाइन

लेखकबाट थप

• शनिवार, आश्विन २७ २०८००६:३५:०६

• Tags:

  # सिद्धबाबा मिष्ठान्न भण्डार

• कांग्रेसको १५औँ महाधिवेशन : उपसभापतिमा चन्द्रकान्त , मधु , बिनोद र महामन्त्रीमा प्रदीप र उदयशमशेर विजयी

• बरिष्ठ उपाध्यक्षका उम्मेदवार बिमलराज भट्टराई भन्छन् -‘व्यवसायको विकास, बुटवलको समृद्धि’

• टंकप्रसाद गैरे : अनुभवी, निरन्तरता र इमानदार व्यवसायीको छवि

• घटस्थापनाको दिन पारेर सिद्धबाबा मिष्ठान्न भण्डारको चौथो शाखा उदघाटन

•  बुटवल उवासंघको अधिवेशन : उद्योगी–व्यवसायीमाझ परिचित छन् सुरज !