हेटौंडा,असोज २५ ।

चिकित्सक कुटपिटको घटनामा पक्राउ परेका ६ जना धरौटीमा रिहा भएका छन्। जिल्ला अदालत मकवानपुरका न्यायाधीश राजेन्द्र अधिकारीको इजलाशले घटनामा संलग्न ६ जनालाई धरौटीमा रिहा गर्न आदेश गरेको हो। 

अदालतले पक्राउ परेका रमा प्रधानलाई २ लाख ५० हजार रुपैयाँ तथा रमिला प्रधान, रोहन प्रधान, अनुप प्रधान, जीवन लामा तथा सुनिल पाख्रीनलाई जनही २–२ लाख रुपैयाँ धरौटी बुझाउन आदेश गरेको हो। गत भदौ २७ गते हेटौंडा उपमहानगरपालिका–१ स्थित सन्चो हस्पिटलमा कार्यरत दुई जना चिकित्सकमाथि भएको आक्रमणको घटनामा संलग्न रहेको अभियोगमा उनीहरु पक्राउ गरेका थिए। 

सोही घटनामा संलग्न अर्का आरोपित हेटौंडा–१२ का ३६ वर्षीय सुवास स्याङ्तानलाई मकवानपुर प्रहरीले बुधबार पक्राउ गरेको छ। स्याङ्तानलाई हेटौंडा–१० बसपार्कबाट पक्राउ गरिएको जिल्ला प्रहरी कार्यालय मकवानपुरले जनाएको छ। उक्त घटनामा संलग्न १३ जनाविरुद्ध उजुरी परेकोमा अझै ६ जना फरार रहेका र उनीहरुको खोजी कार्य भइरहेको मकवानपुर प्रहरीले जनाएको छ। 

नागरिक अनलाइन

लेखकबाट थप

• बिहिवार, आश्विन २५ २०८०१०:००:५७

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?