बुटवल,असाेज २१ ।

भोलि हुने चुनावी कार्यक्रम अघि बुटवल उद्योग बाणिज्य संघका उम्मेदवारहरुले घरदैलो सकेका छन् । करिब-करिब सबै उद्योगी -ब्यबसायीलाइ भेटेरै उनीहरुले आफ्ना एजेण्डा सुनाउँदै मत मागे। अध्यक्षका उम्मेदवार दिनेशप्रसाद श्रेष्ठले प्रचारप्रसारको काम अन्तिम चरणमा पुगेको भन्दै सबै उद्योगी- ब्यवसायीहरुलाइ भोलि मतदानमा सक्रियतापूर्वक सहभागिता जनाउन आग्रह गरेका छन् । 

उनी भन्छन्-‘आज हामी प्रचारप्रसारको अन्तिम चरणमा छौं ,बजारमा प्राय सबै ठाउँमा जान सकेनौं होला त्यसका लागि क्षमा पनि चाहान्छौं । अभियानमा नयाँ पुराना सदस्यहरुसँग भेट गर्ने  अवसर पायौं,उहाहरुका समस्याबारे पनि जान्ने अवसर मिल्यो ,बजार हाम्रो पक्षमा सकारात्मक छ,युवाहरुको नेतृत्व आउनु पर्छ भन्ने उहाहरुको मतले थप हौसला प्रदान गरेको छ । ’

उनले भने -‘हाम्रै प्यानलबाट टंक सर वरिष्ठ उपाध्यक्ष तथा वाणिज्य उपाध्यक्षमा विमलदाई नर्विरोध हुनु नै हाम्रो लागि थप प्लस पोइन्ट हो । ’वरिष्ठ उपाध्यक्ष टंक गैरेले श्रेष्ठ नेतृत्वको टिम सधै उद्योगी व्यवसायीको हितमा लाग्ने बताए । उनले भने- ‘दिनेश श्रेष्ठ प्यानलबाट हामीलाई निर्विरोध निर्वाचित गराउनु भएकोमा सम्पूर्ण सदस्यहरुमा आभार व्यक्त गर्न चाहान्छु । ’

वाणिज्य उपाध्यक्ष विमल भट्टराईले दिनेश श्रेष्ठको प्यानलबाट निर्विरोध हुन पाउनु खुसीको कुरा भएको बताए। उनले भने-‘बुटवल क्षेत्रको समग्र विकासमा हामी साथसाथ हिड्ने छौं ,बुटवलको सुस्ताएको बजारलाई सशक्त बनाउन हाम्रो टिम लाग्ने छ । त्यसैले पनि यो टिमले जित्न सक्छ भन्ने आधारहरु छन्  ।’

संघको ७० औं वार्षिक साधारण सभा तथा २५ औं अधिवेशन अन्तरगत सोमबार निर्वाचन हुँदैछ । अधिवेशनबाट आगामी कार्यकालको नेतृत्व लिनको लागि अध्यक्ष पदमा दिनेशप्रसाद श्रेष्ठ र हरिप्रसाद अर्यालको उम्मेदवारी परेको छ । संघमा एक हजार ७ सय ७८ व्यवसायी आबद्ध छन् । 

• उद्योगी ब्यवसायीका सारथी दिनेश : भन्छन्-‘संघमा २१ बर्षको अनुभवले धेरै सिकायो,अब नेतृत्व सम्हाल्दैछु ’
• बुटवल उद्योग वाणिज्य संघ: वरिष्ठ उपाध्यक्षमा गैरे र वाणिज्यमा भट्टराई निर्विराेध निर्वाचित
• बुटवल उद्योग वाणिज्य संघ : दिनेशप्रसाद श्रेष्ठ प्यानलको उम्मेदवारी घोषणा
• बुटवल उद्योग वाणिज्य संघ : दिनेशप्रसाद श्रेष्ठ प्यानलको बुटवलमा घरदैलो

नागरिक अनलाइन

लेखकबाट थप

• आइतवार, आश्विन २१ २०८०१०:३४:१५

• Tags:

  # दिनेशप्रसाद श्रेष्ठ # बुटवल उद्योग बाणिज्य संघ

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा