बुटवल,बैसाख १६  ।

राष्ट्रिय लेखक दिवसको अवसरमा बुटवलमा स्रष्टा सम्मान गरिएको छ । नेपाली लेखक संघ रुपन्देहीले बुटवल २ निवासी देवेन्द्रराज शाक्यलाइ सम्मान गरेको हो ।

२ दर्जनभन्दा बढि कृतिका लेखक शाक्यलाइ  उहाँकै निवासमा आयोजित कार्यक्रममा बुटवल ४ का वडाध्यक्ष नरिश्वर शर्मा पौडेल,लेखक संघका लुम्बिनी प्रदेश संयोजक बनमाली निराकार,जिल्ला अध्यक्ष लिलाधर पाण्डे लगायतले दोसल्ला तथा कदरपत्रले सम्मान गर्नुभएको हो ।

सो अबसरमा बोल्दै बुटवल ४ का वडाध्यक्ष नरिश्वर शर्मा पौडेलले सहि स्रष्टाको पहिचान गरेर सम्मान गरेकोमा धन्यबाद दिदै लेखक संघसंग सधै सहकार्य गरेर अघि बढ्ने बताउनुभयो ।

कार्यक्रममा बोल्दै सम्मानित स्रष्टा शाक्यले आफुलाइ सम्मान गरेकोमा आभार ब्यक्त गर्दै अझै साहित्यको श्रीबृद्धिका लागि कलम चलाउने बताउनुभयो ।सो अवसरमा बोल्दै प्रदेश संयोजक बनमाली निराकारले साहित्यकार,लेखकलाइ सरकारले हेर्ने दृष्टि पुरानै रहेको भन्दै राज्यले सहि ढंगले सम्मान गर्न नसकेकोमा दुख ब्यक्त गर्नुभयो ।

संघका रुपन्देही अध्यक्ष लिलाधर पाण्डेको अध्यक्षता तथा सचिव मधुसुदन पोखरेलको संचालनमा भएको सो कार्यक्रममा संघ रुपन्देहीका निर्बतमान अध्यक्ष निर्मल ढुंगाना,प्रदेश प्रतिनिधि कपिल ज्ञवाली,चन्द्रकान्त पराजुली,जिल्लाका उपाध्यक्ष सरस्वती बस्याल लगायतले बोल्नुभएको थियो  ।

सोही समारोहमा संघको जिल्ला अधिबेशन सफलतापूर्वक चयन गर्ने निर्बाचन समिति संयोजक बनमाली निराकारसहतिको निर्बाचन मण्डललाइ सम्मान तथा जिल्लाको नेतृत्वमा आउनुभएका पदाधिकारी,सदस्य एवं प्रदेश प्रतिनिधिहरुलाइ प्रमाणपत्र समेत प्रदान गरेर पदस्थापना  गरिएको  थियो ।

सो अबसरमा साहित्यकार धर्मी शाक्य सहित आधादर्जन स्रष्टाले रचनाबाचन समेत गर्नुभएको थियो । कार्यक्रममा सम्मानित स्रष्टा शाक्यले अक्षयकोष निर्माणका लागि नगद ६ हजार रुपैँया प्रदान गर्नुभएको थियो ।

नागरिक अनलाइन

लेखकबाट थप

• शनिवार, बैशाख १६ २०८००६:४५:३६

• Tags:

  # देवेन्द्रराज शाक्य # राष्ट्रिय लेखक दिवस # नेपाली लेखक संघ रुपन्देही

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन