काठमाडौं, भदौ १८ ।

सत्तारुढ नेपाल कम्युनिष्ट पार्टी [नेकपा] का अध्यक्ष केपी शर्मा ओली र अर्का अध्यक्ष प्रचण्डबीच बुधबार साँझ भएको भेटवार्ता भएलगत्तै उपाध्यक्ष वामदेव गौतम र ओलीबीच गोप्य भेटवार्ता भएको छ ।  

अध्यक्ष ओलीले बालुवटार बोलाएपछि उपाध्यक्ष वामदेव गौतम सवा सात बजे बालुवाटार पुगेका थिए । ओली र गौतमबीच एक घण्टा कुराकानी भएको गौतमका सहयोगी विश्वमणि सुवेदीले जानकारी दिए । 

गौतमले राष्ट्रियसभामा जाने बताएपछि प्रधानमन्त्री ओलीले उनलाई फकाउन वालुवाटार बोलाएको स्रोतको बताएको छ । ओली र गौतमबीच एक घण्टा कुराकानी भएपनि कुनै सहमति नभएको गौतम निकट स्रोतले जनाएको छ ।  ओलीले गौतमलाई राष्ट्रिय सभामा जाने कुरा छाड्न र प्रतिनिधिसभामै चुनाव लड्न आग्रह गरेपनि गौतमले फागुन १४ को निर्णय कार्यान्वयन गर्न ओलीलाई स्मरण गराएका थिए ।

बालुवाटारमा विहीबार बिहान ११ बजे नेकपा सचिवालयको बैठकअघि नेताहरुबीच भेटवार्ता बाक्लिएको हो । प्रधानमन्त्री ओली राष्ट्रियसभाको रिक्त सीटमा अर्थमन्त्री डा. युवराज खतिवडालाई लैजान चाहन्छन् भने उपाध्यक्ष गौतम आफूलाई मनोनित गर्नुपर्नेमा उभिएका छन् ।

नागरिक अनलाइन

लेखकबाट थप

• बिहिवार, भाद्र १८ २०७७०७:०५:०९

• Tags:

  # नेकपा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा