काठमाडौं,पुस ७ ।

नेपाली कांग्रेसका सांसद डा.चन्द्र भण्डारीले विदेशीमा रहेको युवाहरुलाई कसरी नेपालमा ल्याउने तथा उनीहरुले आर्जन गरेको पुँजीलाई सम्मानजनक रुपमा नेपालमा भित्र्याउने काम गर्नुपर्ने बताएका छन् । उनले भ्रष्टाचार नियन्त्रण गर्ने कानून बनाउन संसदमा भूमिका खेल्ने बताए ।

बिहीवार संघीय संसद भवन परिसरमा शपथग्रहण प्रश्चात सञ्चारकर्मीहरुसँग बोल्दै सांसद भण्डारीले आगामी पाँच वर्ष देशमा बढ्दै गएको भ्रष्टाचार नियन्त्रण गर्ने कानून बनाउन संसदमा भूमिका खेल्ने बताएका हुन्।

‘पछिल्लो समय नेपाल युवा युवतीबिहीन हुँदैछन्, विदेशीमा रहेको युवाहरुलाई कसरी नेपालमा ल्याउने तथा उनीहरुले आर्जन गरेको पुँजीलाई सम्मानजनक रुपमा नेपालमा भित्र्याउने काम गर्नुपर्छ । कृषि क्षेत्रमा धेरै समस्या रहेको छ त्यो विषयमा संसदमा आवाज उठाउँछौं ।’

उनले नेपाली युवाहरु विदेशी मुलुकमा जानुपर्ने बाध्यताको अन्त्य गर्न आवश्यक रहेको बताए । सांसद भण्डारीले विदेशमा रहेको युवाहरुलाई नेपालमा रोजगारीको वातावरण बनाएर स्वदेश ल्याउन प्रयास गर्ने बताए । उनले देशको अर्थतन्त्र सबल बनाउन नीतिगत रुपमा सुधार गर्ने भूमिका खेल्ने पनि बताए ।

उनले भने, ‘नयाँ सांसदहरुले भष्टाचार नियन्त्रण गर्नको निम्ति कानूनहरु कडा बनाउन भूमिका खेल्नुपर्छ । उनले नेपालका देखिएको स्वास्थ्य उपचारका लागि राज्यले सहजिकरण गराउने विषयमा संसदमा आवाज उठाउने बताए ।

उनले पछिल्लो समय देशभित्र देखिएका स्वास्थ्य, शिक्षा,कृषि क्षेत्रका समस्या नीतिगत रुपमा समाधानको लागि आवाज उठाउने बताए ।

नागरिक अनलाइन

लेखकबाट थप

• बिहिवार, पौष ७ २०७९१०:१६:२५

• Tags:

  # डा.चन्द्र भण्डारी

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन