बुटवल,पुस ३ ।

रूपन्देहीको तिलोत्तमा नगरपालिकामा उज्यालो तिलोत्तमा सडक बत्ती परियोजनाको तयारी गरिएको छ ।

नगर प्रमुख रामकृष्ण खांणले आज नेपाल बिद्युत प्राधिकरणमै पुगेर प्राधिकरणका कार्यकारी निर्देशक कुलमान घिसिङसंग भेटघाट गरि तिलोत्तमाका मुख्य सडकहरूमा सडक बत्ती जडान गर्ने प्रस्तावमा सहकार्यको सहमति गरिएको छ ।

सिद्धार्थ राजमार्गबाहेका भित्री तर मुल सडकहरुमा उज्यालो झिलिमिली बनाइने छ ।  तिलोत्तमामा एडिबीले लगानी गरेका मंगलापुर कान्छिबजार सडक,ड्राईभरटोल शिवपुर,पत्थरडाडां तिनाउ नदी सडक र भलवारी तिनाउ सडकमा सडक बत्ती जडान हुनेछ ।

यसमा बिद्युत शुल्क लागत ६० प्रतिशत नगरपालिकाले र ४० प्रतिशत प्राधिकरणले ब्योहोर्ने सहमति भएको छ।  यसले तिलोत्तमाको बिकासमा थप टेवा पुग्ने नगर प्रमुख रामकृष्ण खांणले बताए ।

उनले यसैगरि नगरमा आवश्यक ट्रान्सफर्मर जडान गर्न समेत पहल गरिएको बताए ।  नेपाल विद्यु प्राधिकरणका कार्यकारी निर्देशक घिसिङले सहकार्यको  प्रस्तावमा सहमति जनाएको  जानकारी दिए ।

उज्यालो तिलोत्तमा बनाउन आवश्यक अन्य काम समेत शुरु भएका छन् ।

नागरिक अनलाइन

लेखकबाट थप

• आइतवार, पौष ३ २०७९०६:३४:१५

• Tags:

  # ‘उज्यालो तिलोत्तमा’ # तिलोत्तमा नगरपालिका

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन