वालिङ,मङ्सिर १५  ।

स्याङ्जा निर्वाचन क्षेत्र २ मा मतगणनामा नेपाली कांग्रेसका धनराज गुरुङले अग्रता लिनुभएको छ । उहाँले नेकपा नेकपा एमाले की पद्माकुमारी अर्याललाई एक हजार ३२७ मतले पछि पार्नुभएको हो । 

कांग्रेसका गुरुङले पाँच हजार ३१४ मत पाउनु भएको छ भने एमालेकी अर्यालको तीन हजार ९८७  मत रहेको छ । यस्तै, स्वतन्त्र पार्टीका उम्मेदवार टिकराज गुरुङले एक हजार ३८४ मत प्राप्त गर्नुभयो । 

अर्यालको स्थायी बसोबास रहेको वालिङ नगरपालिकाको वडा नं १ मा समेत धनराज गुरुङले १९२ मतको अग्रता लिनुभएको हो । उक्त वडामा पद्मा अर्यालले अग्रता लिने एमालेको भनाइ थियो । शुरुवाती अवस्थामा एक हजार बढिको अग्रता लिनुभएकी अर्याल अहिले पछि पर्नुभएको हो । 

स्याङ्जा २ मा गल्याङ नगरपालिकाको वडा नम्वर ६ र ७ तथा भीरकोट नगरपालिकाको वडा नम्वर ५, ६, ७,८ र ९  तथा वालिङको वडा नं १ गणना भइसकेको छ भने अहिले वालिङ कै २ नम्वर वडाको मत गणना भइरहेको छ । 

यसैगरी, प्रदेश सभा २ क तर्फ पनि कांग्रेसका भोजराज अर्यालले अग्रता लिइरहनु भएको छ । अर्यालले एमालेका मोहन प्रसाद रेग्मीलाई एक हजार २५५ मतले पछि पार्नुभएको हो । 

अर्यालले पाँच हजार ७०९ मत ल्याउदा रेग्मीले चार हजार ४५६ मत ल्याउनुभएको छ । पद्मा अर्यालको बसोबास रहेको वडा नं १ मा प्रदेश तर्फ कांग्रेसले २७३ मतले अग्रता लिएको छ । स्याङ्जा २ मा एक लाख १६ हजार ७७८ मतदाता मध्ये ७० हजार १९१  मत खसेको थियो । 

नागरिक अनलाइन

लेखकबाट थप

• बिहिवार, मंसिर १५ २०७९०१:२९:३६

• Tags:

  # धनराज गुरुङ # पद्माकुमारी अर्याल # स्याङ्जा निर्वाचन क्षेत्र २

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा