काठमाडौँ,कात्तिक २७ ।

राष्ट्रिय प्रजातन्त्र पार्टीको भ्रातृ संस्था राष्ट्रिय प्रजातान्त्रिक युवक संगठनका केन्द्रीय सदस्य रामनवल चौहान नेपाली कांग्रेस प्रवेश गर्नुभएको छ ।

रुपन्देहीको मायादेवी गाँउपालिका वडा नम्बर ८ का बासिन्दा चौहानलाई गृहमन्त्री तथा रुपन्देही–३ मा पाँच दलीय गठबन्धनका तर्फबाट प्रतिनिधि सभा सदस्यका उम्मेदवार बालकृष्ण खाणले आइतबार साँझ पार्टी सदस्यता प्रदान गर्नुभयो । 
चौहान खाणसँग प्रतिनिधि सभामा प्रतिष्पर्धा गरिरहनुभएका राप्रपाका उम्मेदवार दीपक बोहोराका विश्वासपात्र पनि हुनुहुुन्थ्यो । 
चौहान राष्ट्रिय प्रजातान्त्रिक विद्यार्थी संगठनको जिल्ला अध्यक्ष भएरसमेत काम गरिसक्नुु भएको छ ।
उहाँसँग राप्रपाको रुपन्देही ३ मा राम्रो पकड भएका ओमकुमार कहारसहित एक सय बढी युवाहरु पनि नेपाली कांग्रेसमा प्रवेश गर्नुभएको छ । 
पार्टी प्रवेश गरेपछि चौहानले आफूलाई कांग्रेसको नीति, सिद्धान्त र जोजना मन परेर पार्टी प्रवेश गरेको र क्रियाशील भएर लाग्ने बताउनुभयो ।
गृहमन्त्री र कांग्रेस केन्द्रीय सदस्यसमेत रहनुभएका खाणले चौहानलाई पार्टीले उचित जिम्मेबारी दिने बताउनुभयो ।

नागरिक अनलाइन

लेखकबाट थप

• आइतवार, कार्तिक २७ २०७९०८:५२:४४

• Tags:

  # राष्ट्रिय प्रजातान्त्रिक युवक संगठन # रामनवल चौहान

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)