शान्तिका लागि सञ्चार अभियानद्धारा सञ्चालित बुद्ध सामुदायिक टेलिभिजनले आयोजना गरको संवाददाता कार्यशाला तथाविभिन्न चार्डबाडकाे शुभकामना आदानप्रदान गरेकाे   छ  ।

बुटवलमा प्रधान कार्यालय रहेको टेलिभिजनले लुम्बिनी प्रदेशका १२ जिल्ला र गण्डकी प्रदेशको स्याङ्गजाबाट समाचार संप्रेषण गर्ने संवाददाताहरुका बिचमा २ दिनसम्म रुपन्देहीको मायादेवी छपियामा गोष्ठी गरेको हो ।

टेलिभिजनले प्रत्येक वर्ष सञ्चालक समिति , कर्मचारी र संवाददाताको अनुभव आदान प्रदानसँगै  कार्यदक्षता बृद्धिको लागि गोष्ठीको आयोजना गर्दै आएको छ । सो अवसरमा टेलिभिजनका अध्यक्ष ओम ज्ञवालीले  टेलिभिजनलाई लुम्बिनी प्रदेशकै उत्कृष्ट टेलिभिजनको रुपमा स्थापित गर्न संबाददाताहरुको भुमिका महत्वपूर्ण रहेको चर्चा गर्नुभयो । उहाँले संवाददाताको गुनासो सुन्न र सम्बोधन गर्नको लागि प्रत्येक वर्ष गोष्ठीको आयोजना गर्दै आएको बताउँनुभयो ।

 सल्लाहकार रामचन्द्र ढकालले गाउँगाउँमा रहेका संवाददाताहरु नै टेलिभिजनको मुख्य मेरुदण्ड भएको बताउँदै सामुदायिक टेलिभिजनले शहर बजारका मात्र नभएर गाउँघरका खबरलाई पनि प्राथमिकता दिनु पर्ने बताउनु भयो । उहाँले सुचना सबैभन्दा ठूलो शक्ति रहेको बताउनुभयो ।
निवर्तमान अध्यक्ष पृथ बहादुर फौदारले संचारकर्मी समाज रुपान्तरणको दर्पण भएको  र सामज रुपान्तरणमा संबाददाताहरुको भुमिका रहेको चर्चा गर्नुभयो । टेलिभिजनका कानुनी सल्लाहकार बुद्ध बहादुर थापाले संचार गृहको मेरुदण्ड संबाददाता भएपनि मेरुदण्डलाई सधै चलायमान बानउन स्वस्थ रुपमा राख्नको लागि गोष्ठी महत्वपूर्ण सावित हुन सक्ने बताउनु भयो  ।

टेलिभिजनका कार्यकारी प्रमुख बिक्रम खड्काले टेलिभिजन देशभर २४ सैं घण्टा प्रशारणमा रहेको जानकारी दिँदै समाचारमा लुम्बिनी प्रदेशलाई मुख्य प्राथमिकता दिईएको जानकारी दिनुभयो । गोष्ठीमा टेलिभिजनका समाचार प्रमुख कपिल ज्ञवालीले कार्यपत्र प्रस्तुत गर्दै समाचार शाखाको वार्षिक कार्यक्रम र मार्गचित्र र अवको कार्यभारका बारेमा सहजीकरण गर्नुभयो ।

कार्यपत्र माथि पाल्पा संवाददाता माधव अर्याल, अर्घाखाँची संवाददाता प्रेमनारायण आचार्य , स्याङ्गजा सम्बाददाता श्रीकृष्ण सिग्देल लगायतले सुझाब सहितको टिप्पणी प्रस्तुत गरेका थिए  ।

सोही अवसरमा  टेलिभिजनले भैरहवा संवाददाता रविन्द्र गुप्तालाई उत्कृष्ट संवाददाता घोषित गर्दै नगद ५ हजार सहित सम्मान गरेको छ ।कार्यक्रम टेलिभिजनका कार्यक्रम प्रमुख खेमराज रेग्मीको संचालनमा कार्यक्रम सम्पन्न भएको थियो । सो कार्यक्रममा टेलिभिजनमा कार्यरत सबै कर्मचारीको सहभागिता रहेको थियो। 

नागरिक अनलाइन

लेखकबाट थप

• आइतवार, कार्तिक ६ २०७९०५:२३:११

• Tags:

  # संवाददाता कार्यशाला # बुद्ध सामुदायिक टेलिभिजन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा