बुटवल,साउन २३ ।

सत्ता गठबन्धनबीच आगामी निर्वाचनमा सिट  बाँडफाँटका लागि मोडालिटी बनाउन तय बनेको कार्यदलमा कृष्ण प्रसाद सिटौला संयोजक चयन भएका छन् ।

सोमबार बालुवाटारमा बसेको बैठकले सिटौलालाई संयोजक तोकेको हो । कार्यदलका सदस्य तथा सञ्चारमन्त्री ज्ञानेन्द्र कार्कीले सिटौलालाई संयोजक तोकिएको जनकारी दिए । उनका अनुसार अर्को बैठक साउन २६ गते पुनः बस्नेछ । 
 
कार्यदलमा नेपाली काँग्रेसबाट सिटौला र कार्कीसहित महामन्त्री गगन थापा रहेका छन् । यस्तै माओवादी केन्द्रबाट वर्षमान पुन, देव गुरुङ, नेकपा एकीकृत समाजवादीबाट उपाध्यक्ष प्रमेश हमाल र महासचिव बेदुराम भुसाल, जनता समाजवादी पार्टीबाट रामसहाय यादव र रकम चेम्जोङ तथा राष्ट्रिय जनमोर्चाबाट हिमलाल पुरी र आनन्द शर्मा सदस्य छन् ।

प्रत्यक्ष तर्फ प्रतिनिधिसभामा १६५ र प्रदेश सभामा ३३०  निर्वाचन क्षेत्रको सिटमा बाँडफाँटका लागि कार्यदलले मापदण्ड र मोडालिटी बनाउने कार्यभार पाएको छ ।  प्रतिनिधिसभामा  काँग्रेसले कम्तीमा ९५ सिट र अन्य दलले ८० देखि ८५ सिट दाबी गरेका छन् ।​

नागरिक अनलाइन

लेखकबाट थप

• सोमवार, श्रावण २३ २०७९०६:५९:०९

• Tags:

  # कृष्ण प्रसाद सिटौला # कार्यदलको संयोजक

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)