बुटवल,साउन ८ ।

सर्वसाधारणलाई ब्ल्याकमेलिङ गरेको आरोपमा रुपन्देहीको तिलोत्तमा नगरपालिका वडा नं २ को एक ‘कल सेन्टर’मा प्रहरीले छापा मारेको छ  । 

जानकीनगरको चार तले घरमा तीन वटा फ्ल्याट भाडामा लिई सञ्चालनमा रहेको ब्ल्यू स्काइ बिजनेस सोल्युशन प्रालिमा बुटवल प्रहरीले छापा मारेको हो। प्रहरीले २१५ भन्दा बढी युवा-युवती नियन्त्रणमा लिएको दाबी गरेको छ।

‘कल सेन्टर’मा तीन सय जति कम्प्युटर राखी त्यसकै माध्यमबाट सर्वसाधारणलाई म्यासेज पठाई ट्र्यापमा पारेको प्रहरी अनुसन्धानबाट भेटिएपछि उनीहरूलाई नियन्त्रणमा लिएको प्रहरीले जनाएको छ।

भारतीय र चिनीया नागरिकको समेत लगानीमा खोलिएको उक्त कार्यालयबाट सर्वसाधारणको मोबाइलमा, ह्वाट्सएप र फेसबुकमा अश्लील म्यासेज पठाउने तथा चिट्ठा पर्यो भन्दै ठगी गर्ने गरेको प्रारम्भिक अनुसन्धानका क्रममा पाइएको ईलाका प्रहरी कार्यालय बुटवलका प्रमुख प्रहरी नायव उपरीक्षक ठगबहादुर केसीले बताए ।

कार्यालय सञ्चालक भारतीय नागरिकको घर तथा कोठा पनि खानतलासी हुँदैछ। अहिले मुचुल्का गर्ने काम भइरहेको प्रहरीले जनाएको छ। त्यसपछि थप विवरण प्राप्त हुने प्रहरीले जनाएको छ।

नागरिक अनलाइन

लेखकबाट थप

• आइतवार, श्रावण ८ २०७९०२:३४:३०

• Tags:

  # युवा-युवती नियन्त्रणमा # ‘कल सेन्टर’ # कल सेन्टरमा प्रहरीको छापा

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...