बुटवल,चैत्र २० ।

लखन थापा नेपालको पहिलो सहिद नभएको अभिव्यक्ति दिएको विरोधमा नेकपा एमालेका अध्यक्ष केपी शर्मा ओलीको रुपन्देहीको देवदहमा पुत्ला दहन भएको छ । 

ओली साम्प्रदायिक साेँचको भएको जनजाति अगुवाले आरोप लगाए । शुक्रबार एमाले निकट विद्यार्थीको बैठकलाई सम्बोधन गर्दै अध्यक्ष ओलीले लखन थापा नेपालको पहिलो सहिद नभएको अभिव्यक्ति दिएका थिए । देवहदमा आयोजित विरोध कार्यक्रममा बोल्दै जनजाति अगुवाहरूले ओली साम्प्रदायिक भएको आरोप लगाएका हुन ।

जनजाति अगुवा दलबहादुर बिरकट्टाले पुर्व प्रधानमन्त्री समेत रहेका एमाले अध्यक्ष केपी शर्मा ओलीले हचुवाको भरमा सहिदको अपमान हुनेगरि साम्प्रदायीक अभिव्यक्ति दिएको बताए । ओली अभिव्यक्तिको विरुद्धमा देशभर आन्दोलन गरेर उनलाई आफ्नो भनाइ फिर्ता गराउन दबाब दिनुपर्नेमा जोड दिएका थिए ।

ओलीप्रति आक्रोशित हुँदै बिरकट्टाले भने -‘केपी ओलीले कहिले मधेसी समुदायलाई बिहारी भन्छन् त कहिले जनजातिहरू बाँदर हुन् भन्छन् । यो साम्प्रदायिक सोंचको अभिव्यक्ति हो ।’

त्यसैगरी, कार्यक्रममा बोल्दै जनजाति अगुवाहरू विजय गुरुङ, मीना श्रेष्ठ, प्रेम थापा लगायतले जिम्मेवार नेताले गैरजिम्मेवार, असंवैधानिक र साम्प्रदायिक अभिव्यक्ति दिएको भन्दै भनाई फिर्ता नलिए देशैभरी आन्दोलन गर्ने बताएका थिए ।

नेपाल युवा मगर संघ देवदह नगरसमितिको आयोजनामा भएको उक्त कार्यक्रममा बिरोधसभापछि खैरेनी चोकमा एमाले अध्यक्ष केपी शर्मा ओलीको पुत्ला दहन गरिएको थियो । पुत्ला दहन गर्दै जनजाति युवाहरू ओली विरुद्ध नारावाजी गरेका थिए ।

नागरिक अनलाइन

लेखकबाट थप

• आइतवार, चैत्र २० २०७८०८:०३:०४

• Tags:

  # पुत्ला दहन # लखन थापा

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन