बुटवल,चैत १२। 

नेपाली लेखक संघको सातौँ राष्ट्रिय अधिवेशनको तयारी तीब्र पारिएको छ । अधिवेशन यहि चैत १८–१९ गते पाेखरामा हुदैँछ । अधिवेशन गर्न महासचिव डा. रत्नमणि नेपालको संयोजकत्वमा २१ सदस्यीय मूल आयोजक समिति गठन गरिएको छ ।

संघका केन्द्रीय सचिव नवीनचन्द्र घिमिरेलाई समितिको सदस्य सचिव तथा वर्तमान कार्यसमितिका अध्यक्ष र उपाध्यक्षहरूलाई आयोजक समितिको सल्लाहकारको जिम्मेवारी तोकिएको संघका महासचिव तथा अधिवेशन मूल आयोजक समितिका संयोजक डा. नेपालले नागरिक अनलाइनलाइ बताए ।

नेपाली लेखक संघको विधान, २०६४ लाई समय सापेक्ष बनाउन विधान संशोधनका लागि पूर्वअध्यक्ष एवं सल्लाहकार डा. तुलसीप्रसाद भट्टराईको संयोजकत्वमा ५ सदस्यीय विधान संशोधन मस्यौदा तर्जुमा समिति र नेपाली लेखक संघको मुखपत्र ‘लेखक’ प्रकाशन गर्नका लागि संघका महासचिव डा. रत्नमणि नेपाल प्रधानसम्पादक रहने गरी ७ सदस्यीय सम्पादक मण्डल गठन गरिएको संघका अध्यक्ष श्रवण मुकारुङले बताए ।

सिर्जनशीलताका माध्यमबाट अभिव्यक्ति स्वतन्त्रता र प्रजातन्त्रका लागि निरन्तर पहरेदारी गर्ने ध्येयका साथ नेपाली लेखक एवं स्रष्टाहरूको साझा चौतारीका रूपमा रहेको नेपाली लेखक संघको स्थापना २००८ सालमा भएको थियो ।

अधिवेशनमा देशभरका २८८ प्रतिनिधिसहित करिब ४ सय जनाको सहभागिता रहनेछ ।

नागरिक अनलाइन

लेखकबाट थप

• शनिवार, चैत्र १२ २०७८१०:३६:५५

• Tags:

  # नेपाली लेखक संघ # सातौँ राष्ट्रिय अधिवेशन

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन