बुटवल,माघ १४ ।

नेपाली काँग्रेसको सम्पादन समिति बनाउने र निर्वाचनको मिति तोक्ने विषयमा पार्टी सभापति तथा प्रधानमन्त्री शेरबहादुर देउवाले पार्टी भित्र छलफल गरेको भन्दै नेताहरुले असन्तुष्टि जनाएका छन् ।

हालै सम्पन्न १४ औँ महाधिवेशनमा ४० प्रतिशत मत ल्याएको पक्षसँग परामर्श र समन्वय नगरी कार्यसम्पादन समिति बनाउन लागेको प्रति शेखर कोइराला पक्षका नेताहरुले असन्तुष्टि जनाएका छन् ।

कोइराला पक्षबाट उपसभापतिमा उम्मेदवार भएका काँग्रेस नेता डा.चन्द्र भण्डारीले महाधिवेशनमा चालिस प्रतिशत मत ल्याएको पक्षलाई पनि समेट्न र समन्वय गर्न सभापति देउवासँग आग्रह गरे ।

भागबण्डाको लागि नभइ न्याय र समान अवसरका लागि पार्टी भित्रको अर्को पक्षलाई सभापति देउवाले समेट्नु र समन्वय गर्नु पर्ने नेता भण्डारीको भनाई छ । बस्न लागेको केन्द्रीय कार्यसमितिको बैठकले कार्यसम्पादन समिति बनाउने चर्चा चलेपनि सभापति देउवाले पार्टी भित्रको अर्को पक्षसँग छलफल र परामर्श नगर्दा एउटा गुटको मात्रै कार्यसम्पादन समिति बन्ने आशंका व्यक्त गरे ।

“हामीले पार्टीका साथीहरुलाई समान अवसर र न्यायका लागि सभापतिको ध्यानाकर्षण गराएका हौँ, हामीले भागबण्डा गर्न खोजेको होइन, हामी भागबण्डा विरोधी हाैँ,” उनले भने ।

विगतमा भागबण्डा गर्दा पार्टीलाई कति क्षती हुन्छ भन्ने कुरा आफुहरुले बुझेको स्पष्ट पार्दै नेता भण्डारीले पार्टीका सवैलाई क्षमता, योग्यता र योगदानका आधारमा सभापतिले न्याय गर्नुपर्ने र भागबण्डा गर्ने प्रबृत्ति अन्त्य गर्नुपर्नेमा जोड दिए ।

नागरिक अनलाइन

लेखकबाट थप

• शुक्रवार, माघ १४ २०७८०२:५०:२५

• Tags:

  # डा.चन्द्र भण्डारी # नेपाली कांग्रेस

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन