बुटवल,मंसिर २७ ।

नेपाली कांग्रेसका युवा नेता एवं संबिधानसभा सदस्य नगेन्द्रकुमार कुमालले आफूलाई मतदान गर्न आग्रह गरेका छन् । नेपाली कांग्रेसको १४ औं महाधिबेशनमा आदिवासी जनजाति कोटाबाट केन्द्रीय सदस्यमा उम्मेदवारी दिएका कुमालले महाधिबेशन प्रतिनिधीहरुलाई आफूलाई मतदान गर्न आग्रह गरेका हुन् ।

ईलाम क्षेत्र नं २ बाट महाधिबेशन प्रनिनिधी एवं महासमिति सदस्यमा निर्बिरोध निर्वाचित भएका कुमाल लामो समयदेखि नेपाली कांग्रेसको राजनीतिमा सकृय रहंदै आएका छन् ।

नेपाल आदिवासी जनजाति महासंघका पूर्व अध्यक्ष समेत रहेका कुमाल नेपाल बिद्यार्थी संघका पूर्व केन्द्रीय उपसभापति समेत हुन् । ईलाम माइ नपा–७ का स्थायी बासिन्दा कुमाल यसअघि पार्टीको बिभिन्न तह र तप्कामा रहेर महत्वपूर्ण जिम्मेवारी समेत निर्वाह गरिसकेका छन् ।

पार्टीमा आदिवासी जनजातिहरुको प्रतिनिधित्व, समान सहभागिता र समावेशीताका लागि आफू केन्द्रीय सदस्यका रुपमा चुनावी मैदानमा होमिएको कुमालले बताए । “पार्टीको रुपान्तरण र पुस्तान्तरण तथा पार्टीलाई अझै सबल,सक्षम र सशक्त बनाउने योजनाका साथ तमाम कार्यकर्ताको चाहना र भावना बमोजिम मैले पार्टीको केन्द्रीय सदस्यमा उम्मेदवारी दिएको हो,– कुमालले भने ।” आदिवासी जनजाति लगायत पिछडीएको वर्गको हक, अधिकारको आवाज थप बुलन्द बनाउन पार्टीको केन्द्रय सदस्यमा उम्मेदवारी दिएको उनले बताए । 

जनजाति अभियन्ता समेत रहेका कुमाल पार्टी भित्र लोकप्रिय र कार्यकताको रोजाईमा परेका नेता हुन् । पार्टीका स्थानीय तथा केन्द्रीय तहका नेताहरुको साथ, समर्थन तथा तमाम कार्यकर्ताबाट प्राप्त उत्प्रेरणा र हौशलाले केन्द्रीय सदस्यमा उम्मेदवारी दिएको कुमालले बताए । सबै संग सहज सम्पर्कमा रहने उनी सरल, शालिन, मिलनसार र इमान्दार नेताका रुपमा चिनिन्छन् । बिद्यार्थी जीबनबाटै राजनीतिमा क्रियाशील रहदै आएका नेता कुमालले पार्टीमा थप योगदान गर्न केन्द्रीय सदस्यको उम्मेदवारको रूपमा प्रस्तुत भएको प्रतिक्रिया दिए ।

नागरिक अनलाइन

लेखकबाट थप

• सोमवार, मंसिर २७ २०७८०९:३६:४५

• Tags:

  # नगेन्द्रकुमार कुमाल # नेपाली कांग्रेस # १४ औं महाधिवेशन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा