बुटवल,मंसिर २२ ।

नेपाली काँग्रेसको संस्थापन इतरले आज साझा उम्मेदवार चयन गर्दै छ ।आजसम्म साझा उम्मेदवार सार्वजनिक गर्ने टुंगोमा पुगेका नेताहरुमध्ये दुईजना ब्याक हुन तयार भएका छन् ।

वरिष्ठ नेता रामचन्द्र पौडेलले चाक्सीबारीमा भएको बैठकमा सुरुमै त्याग गर्न तयार भएको बताएका थिए । उनले अन्य दाबेदार तीनमध्ये एकको नाम दिन भने । अन्यथा आफ्नो नाममा एकपटक सहमति निकाल्न आग्रह गरे ।

घन्टौं चलेको बैठकमा पछिल्लो पुस्ताका नेताहरुले पनि दबाब दिइरहेका थिए । अन्तमा महामन्त्री डा. सशांक कोइरालाले ब्याक हुने भन्दै पौडेलको नाम प्रस्ताव गरे । पौडेलले पनि कि आफ्नो नाममा सहमति निकाल्न कि प्रकाशमान सिंह र शेखरमध्ये एकलाई ब्याक हुन भने ।

प्रकाशमानले आफू लामो समय पार्टीमा काम गरेको, पकड पनि बनाएको, समूहमा डगमग नभई बसेको आधारमा साथ दिन भने । विगतमा पौडेल र सशांकका लागि त्याग गरेको स्मरण गराए । शेखरले पनि आफ्नो बलियो पकडबारे उल्लेख गरे । इतर समूहमा बढी जिल्ला सभापति पक्षमा रहेको दाबी समेत गरे ।

प्रकाशमान र शेखर टसमस नभएपछि भोलि टुंगो लगाउने गरी नेताहरु उठेका छन् । तर, काँग्रेसभित्र इतर समूह एक भई साझा उम्मेदवार तय गर्नेतर्फ बढेको छ । यसले काँग्रेस सभापतिको दौड रोचक मोडमा पुगेको छ ।

नागरिक अनलाइन

लेखकबाट थप

• बुधवार, मंसिर २२ २०७८०८:२९:४५

• Tags:

  # डा.शेखर कोइराला # प्रकाशमान # प्रकाशमान सिंह # सभापति

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा