बुटवल,मंसिर २१ ।

नेपाली काँंग्रेसका युवा नेता तथा लुम्बिनी प्रदेशका उर्जा जलश्रोत तथा सिंचाई मन्त्री बीरबहादुर रानाले काँग्रेसको १४ औँ महाधिवेशनमा केन्द्रीय सदस्यमा उम्मेदवारी घोषणा गरेका छन् ।

रानाले मंगलबार  बुटवलमा पत्रकार सम्मेलन गरेर आदिबासी जनजातीतर्फ केन्द्रीय सदस्यमा उम्मेदवारी घोषणा गरेका हुन्  पार्टीलाई निति नियम पद्धती, अनुशासनको लाईनमा हिडाउन, सबैको समान पहुँच र अधिकार स्थापित गर्न केन्द्रीय सदस्यमा उम्मेदवारी दिएको मन्त्री रानाले बताए ।

नेपाल विद्यार्थी संघ हुँदै वडा तहबाट जिम्मेवारी निभाउँदै आएका रानाले आउँदो महाधिवेशनमा केन्द्रीय सदस्यका उम्मेदवार बन्ने घोषणा गरेको बताए । राना यस अघि दुई कार्यकालसम्म पाल्पा जिल्लाको पार्टी सभापति भई काम गरेका थिए । 

समग्र लुम्बिनी प्रदेशको विकास पद्धतीमा लैजान, जिल्लाको विकासलाई प्रभावकारी बनाउन, पार्टी पद्धती संस्कारयुक्त बनाउन, राजनीतिक दलमा देखिएको वितृष्णा हटाउन पनि आफ्नो उम्मेदवारी रहेको उनको भनाइ छ ।

यही मंसिर २४ देखि २६ गतेसम्म हुने १४ औ महाधिवेशनमा खुला केन्द्रीय सदस्यमा नेता रानालाई अगाडि सारेको नेपाली काँग्रेस पाल्पाका सभापति हिमालदत्त श्रेष्ठले प्रष्ट पारेका छन् ।

नेपाली काँग्रेसलाई शसक्त जुझारु बनाउन, युवा पुस्तालाई राजनीतिमा क्रियासिल बनाउन रानाले  सक्रिय भूमिका निर्वाह गर्दै आएको पाल्पाका पार्टी सभापति श्रेष्ठले बताए । 

जिल्ला सदस्य बिष्णु प्रसाद पाण्डेयको संचालनमा भएको कार्यक्रममा बाेल्दै पत्रकार महासंघ रूपन्देहीका सभापति रामराज पाेखरेलले राना पार्टीको नेतृत्व तहमा पुग्नु सबैका लागि राम्राे हुने धारणा राखे ।

लाइभ भिडियो :

नागरिक अनलाइन

लेखकबाट थप

• मंगलवार, मंसिर २१ २०७८०३:४२:१०

• Tags:

  # केन्द्रीय सदस्य # बीरबहादुर राना # उर्जा मन्त्री बीरबहादुर राना # नेपाली कांग्रेस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा