बुटवल,असार ३१-

लुम्बिनी प्रदेशसभामा सत्तारुढ सांसदको ‘तमासा’ देखाएका छन् । प्रदेश सभा बैठकबाट सत्तापक्ष बाहिरिएपछि सदन आधा घण्टाका लागि स्थगित भएको छ ।

आजको कार्यसूचि अनुसार प्रदेश सभामा बजेट निर्णयार्थ पेस हुनुअगावै मुख्यमन्त्री शंकर पोखरेलसहित सत्ता पक्षका सांसदले संसद बहिस्कार गरेपछि सदन रोकिएको हो । 

बजेट पारित गर्न सरकारलाई मत नपुग्ने देखिएपछि उनीहरू बाहिरिएका हुन् । सरकार अल्पमतमा छ । सभामुख पूर्णबहादुर घर्तिले साढे ५ बजेसम्मका लागि सदन स्थगित गरेका छन् । मुख्यमन्त्री पोखरेलको जवाफी सम्बोधनपछि सत्तापक्षका सांसदले याेजनाबद्ध रूपमा बैठक छाडेर बाहिरिएका हुन् । 

लुम्बिनी प्रदेशका मुख्यमन्त्री शंकर पोखरेल अल्पमतमा रहेको दाबी गर्दै विपक्षी गठबन्धन नेकपा (माओवादी केन्द्र), नेपाली कांग्रेस, जनता समाजवादीको उपेन्द्र यादव समूह र राष्ट्रिय जनमोर्चाले बजेटको विपक्षमा मतदान गर्ने निर्णय गरेका थिए । 

८३ सदस्यीय प्रदेश सभामा अहिले नेकपा (एमाले)को पक्षमा तीन जना जसपाको महन्थ ठाकुर पक्षकासहित ४१ र विपक्षी गठबन्धनमा सभामुखसहित ४२ जना छन् । 

एमाले सांसद अजय शाही भने बिरामी भएकाले अनुपस्थित छन् ।

• लुम्बिनी प्रदेशमा बजेट : सदनमा फेल हुने भएपछि अध्यादेशबाट ल्याइयो

नागरिक अनलाइन

लेखकबाट थप

• बिहिवार, आषाढ ३१ २०७८०५:२४:१९

• Tags:

  # संसद बहिस्कार

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा