बुटवल,पुस १९ ।

ऊर्जा तथा जलस्रोत पत्रकार विकास थापा सम्मानित भएका छन् । आज बुटवलमा आयोजित भिजन लुम्बिनी ऊर्जा कम्पनीको सातौं वार्षिक साधारण सभाका अवसरमा थापालाई सम्मान गरेको हो ।

थापाले पत्रकारिताको माध्यमबाट मुलुकको जलस्रोत र ऊर्जा क्षेत्रमा पुर्याएको योगदानको कदर सम्मान गरिएको कम्पनीले जनाएको छ । थापा हाल जलसरोकार डटकमका प्रधान सम्पादक छन् ।

‘देश र समाज परिवर्तनका लागि पत्रकारिताको माध्यमबाट पुर्याएको महत्वपूर्ण योगदानका साथै भिजन लुम्बिनी ऊर्जा कम्पनीप्रति सधैं गरेको योगदानको उच्च मूल्यांकन गर्दै ससम्मान यो सम्मान पत्र प्रदान गरिएको छ,’ थापालाई दिइएको प्रशंसा पत्रमा भनिएको छ ।

कम्पनीका अध्यक्ष सुदिप सिंह अधिकारीले थापालाई प्रशंसा पत्र दिएका थिए भने कम्पनीका प्रबन्ध सञ्चालक जगतबहादुर पोखरेलले दोसल्ला ओढाएका थिए । तीन दशकदेखि पत्रकारकारिता गर्दै आएका थापाले विशेष गरी जलस्रोत, जलविद्युत् तथा ऊर्जा क्षेत्रमा कलम चलाउँदै आएका छन् ।

यसैगरी जलविद्युत् राष्ट्रिय अभियन्ता कृष्णप्रसाद भण्डारीलाई पनि भिजन लुम्बिनी ऊर्जा कम्पनीले सम्मान गरेको छ ।
नेपालमा निजी क्षेत्रबाट पहिलो जलविद्युत् निर्माण गरी जलविद्युत्मा निजी क्षेत्रलाई प्रवेश गराउन उनले पुर्याएको योगदानको कदर गर्दै सम्मान गरिएको हो । सम्मानित भण्डारीले भिजन लुम्बिनी ऊर्जा कम्पनीको सम्मानले आफूलाई अझ बढी जिम्मेवार तुल्याएको बताए । 

आजै भिजन लुम्बिनी लिमिटेडको दशौँ वार्षिक साधारण सभा समेत सम्पन्न भएको छ । साधारणसभामा कलाकार जितु नेपाललाइ समेत सम्मान गरिएको छ ।

नागरिक अनलाइन

लेखकबाट थप

• शनिवार, पौष १९ २०८२०४:३६:०३

• Tags:

  # विकास थापा # भिजन लुम्बिनी

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन