बुटवल,पुस १६ ।

वातारणविद् तथा साहित्यकार विजय हितानसंग पर्या साहित्यका बिषयमा सोमबार बुटवलमा संवाद कार्यक्रम गरिएको छ ।

पाठक मञ्च बुटवलको आयोजनामा साहित्यकार हितानसंग पर्या साहित्यसंग जोडिएर डवातावरण संरक्षणका बिषयमा छलफल गरिएको हो ।

विज्ञानमा स्नातकोत्तर गरेका  हितान हाल इङ्ग्ल्यान्डको वातावरणीय संस्थानमा कार्यरत छन्। वातावरणविज्ञका रूपमा परिचित हितानले पर्या साहित्य सिर्जनामा विशेष चिनारी बनाएका छन् ।

रूपन्देहीमा जन्मिएर  दुई दशकभन्दा लामो समयदेखि पर्या साहित्यमार्फत पर्यावरण संरक्षणका निम्ति विश्वव्यापी रूपमा निरन्तर लागिरहेका हितानको मलाई आर्यघाटमा लगेर नजलाउनु पर्यावरणीय कविता संग्रहमाथि संवादमा छलफल गरिएको छ ।

छलफलमा वातावरणविद् तथा साहित्यकार हितानले वातावरण संरक्षण आफ्नो मुख्य सरोकार रहने बताउदै पर्या साहित्यका माध्यमबाट मानिसहरूलाई जोडने प्रयत्न गरेको बताए।

उनले आफू बुटवलमा जन्मे हुर्केकाले यहाँको तिनाउ नदी अनि यहिको वातमवरण संरक्षणमा सबैको हातेमालो जरूरी रहेको बताए ।
लेखक हितानको कविता संग्रहमाथि अध्येता कृष्ण पाण्डेले समीक्षा गर्दै मलाई आर्यघाटमा नजलाउनु कविता नै पर्या साहित्यको नमुना रहेको बताए ।

उनले कविता मार्फत लेखकले वातावरण संरक्षणमा पाठकलाई डोर्याएको बताए ।
पाठक मञ्चका माधव गौतमको सहजिकरणमा भएको छलफलमा लेखक दलबहादुर गुरूङ, राजेन्द्र आचार्य, डा। मनोज ढुङगाना, रामचन्द्र श्रेष्ठ, शंकर भण्डारी, माधव कुमार पौडेल, गोविन्द बेल्बासे,  पत्रकार कृष्ण मल्ल, दीपक विश्वकर्मा, विनोद परियार,  अर्जुन ज्ञवाली, प्रेम परियार, कृष्ण गाउले लगायतले पर्या साहित्य र वातावरण संरक्षणका बारेमा विभिन्न जिज्ञासा र सुझावहरू व्यक्त गरेका थिए ।छलफलमा समाजसेवि होमबहादुर गलामी, पाठक मञ्चका सरितम श्रीस, पत्रकार कपिल ज्ञवाली , सिपि खनाल, शारदा खनाल लगायतको उपस्थिति रहेको थियो । कार्क्रममा गंगा पोखरेल र दुर्गा थापाले कविता वाचन गरेका थिए ।
बेलायतमै रहेका हितानले जन्मघर बुटवलमा रहदा विभिन्न कार्यक्रम मार्फत वातावरण संरक्षणका बारेमा विषयहरू उठान गरेका छन् । लेखक हितान इको राइटिङका एक अथक योद्धा हुन् । उनका कविता, कथा, निबन्ध, सिद्धान्त र उपन्यासका एक दर्जनभन्दा बढी पुस्तक प्रकाशित छन् ।

नागरिक अनलाइन

लेखकबाट थप

• बुधवार, पौष १६ २०८२०४:३८:३८

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन