बुटवल,माघ १०-

नेपाल कम्युनिस्ट पार्टी (नेकपा)प्रचण्ड-माधव समूहका स्थायी समिति सदस्य तथा लुम्बिनी प्रदेश इन्चार्ज युवराज ज्ञवालीले प्रधानमन्त्री केपी शर्मा ओलीले संविधान, कम्युनिस्ट आन्दोलन, गणतन्त्र र राष्ट्रियता सिध्याउन खोजेको बताएका छन् ।

उनलाई पार्टीले अध्यक्षबाट हटाइसकेकाले पुनः नेतृत्वमा ल्याउन सम्भव नभएको प्रष्ट पारे । प्रचण्ड-माधव समूहको लुम्बिनी प्रदेशस्तरीय संघर्ष समितिले शनिबार बुटवलमा गरेको पत्रकार सम्मेलनमा नेता ज्ञवालीले केपी ओलीले कम्युनिस्टको खोल ओढेर राष्ट्रघाती र प्रतिगमनकारी काम गरेको बताए ।

उनले भने-‘ओलीले एकैपटक कम्युनिस्ट पार्टी, गणतन्त्र र राष्ट्रियतामाथि ठूलो प्रहार गरेका छन्,प्रतिनिधिसभा विघटन गरेर ओलीले तत्कालीन कम्युनिस्ट पार्टीका महासचिव केशरजंग रायमाझीभन्दा पनि बढी प्रतिगामी र राष्ट्रघाती काम गरेको बताए । ओलीको कदम रायमाझीको भन्दा बढी प्रतिगामी र जनघाती छ ।’

केशरजंग रायमाझीले राजा महेन्द्रको  कदमलाई समर्थन मात्र गरेको तर ओलीले आफै प्रतिगमन गरेर गणतन्त्र समाप्त पार्ने र रायमाझीले भन्दा अझ बढी क्षति पुर्‍याउन खोजेको उनले बताए ।

प्रचण्ड-माधव समूहले माघ १५ गते बुटवलमा शक्ति प्रदर्शन गर्ने :

नेपाल कम्युनिस्ट पार्टी (नेकपा)प्रचण्ड-माधव समूहले माघ १५ गते बुटवलको पुष्पलालपार्कमा शक्ति प्रदर्शन सहित विरोध सभा गर्ने भएकाे छ ।

सभामा अध्यक्षद्वय माधवकुमार नेपाल, पुष्पकमल दाहाल,नेता घनश्याम भुसाल लगायतले सम्बोधन गर्ने कार्यक्रम रहेको युवा नेता राजु गुरुङले जानकारी दिए ।

संघर्ष समितिका संयोजक पार्टीका केन्द्रीय सदस्य ठाकुर गैरेले प्रधानमन्त्री ओलीको नेतृत्वमा संविधान च्यातेर प्रतिगमन र निरंकुशता लाद्ने कामको शुरुवात भएकाले संविधान र लोकतान्त्रिक गणतन्त्र जोगाउन वाध्य भएर सडक आन्दोलनमा आउनुपरेको बताए ।

विगतमा पनि प्रतिगमन र निरंकुशताविरुद्धका आन्दोलनमा नागरिक समाज र मिडियाको साथ रहेको स्मरण गर्दै यो आन्दोलनलाई प्रचण्ड – माधव पक्षको मात्रै आन्दोलनका रुपमा नबुझ्न आग्रह गरे ।

सो दिन राजमार्ग चौराहा, गोलपार्क, तिनाउ पारी र गोलपार्क गरी चार स्थानबाट जुलुस आएर पुष्पलालपार्कमा विरोधसभा हुने नेकपाका नेता सिद्धिचरण भट्टराइले बताए । 

नागरिक अनलाइन

लेखकबाट थप

• शनिवार, माघ १० २०७७०५:२८:५५

• Tags:

  # युवराज ज्ञवाली # नेकपा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा