बुटवल,फागुन २८ ।

नयागाउँ खानेपानी उपभोक्ता तथा सरसफाई संस्थाको अध्यक्षमा मीना घर्ती (जीसी) विजयी हुनुभएको छ । 

अध्यक्षमा बिजयी कांग्रेसकी मीना जीसीले ८१४,निकटतम प्रतिस्पर्धी एमालेका नामबहादुर कुवरले ८०८ र स्वतन्त्रका बामदेव भुसालले ७५८ मत पाउनुभयो । बुटवल वडा न १२ र १३ का गरि कूल ४ हजार ७०६ मतदातामध्ये २ हजार ६०४ मात्रै मतदानमा सहभागि भएका थिए ।

निर्वाचनमा कांग्रेस र राप्रपा,एमाले –माओबादी–जनमोर्चा ,राष्ट्रिय स्वतन्त्र पार्टीका छुट्टछुट्टै प्यानल बनाएर भिडेका थिए ।
पदाधिकारीको अन्तिम मतपरिणाम अनुसार अध्यक्षमा जीसी ८१४,उपाध्यक्षमा सिर्जना पौडेल ८१२ ,सचिवमा रामप्रसाद भुसाल ८४४ , कोषाध्यक्षमा सुमित्रा खनाल ७९८ ,तथा सहसचिवमा ढुण्डिराज खनाल ८७७ मतसहित निर्वाचित हुनुभएको हो । नयाँ नेतृत्वका लागि फागुन २४ गते मतदान भएको थियो ।

लेखा समितिको संयोजकमा अग्नी प्रसाद पौडेल ७६६ सदस्यमा चन्द्रकान्त आचार्य ५९५ र टिकामाया भण्डारी ६१६ त्यस्तै अनुगमन समितिको संयोजकमा गणेश आचार्य ८९३,नारायण खनाल ७७५ र बाबुराम भुसाल ९३१ मत सहित बिजयी हुनुभयो ।
कार्यसमिति सदस्यको भने अझैपनि मतगणना जारी रहेको छ आज बेलुका सम्ममा परिणाम सार्वजनिक हुने निर्वाचन समितिले जनाएको छ ।  नयाँगाउँमा २ लाख २५ हजार घन मिटर र बेलबासमा ४ लाख ५० हजार घन मिटर पानीको क्षमताका २ वटा ओभरहेड ट्यांकी रहेपनि अब थप पानीको स्रोतको खोजी गरि ब्यवस्थापन गरिने र उपभोेक्तालाइ सहज पानीको आपूर्ति गरिने नवनिर्वाचित अध्यक्ष मिना जीसीले नागरिक अनलाइनलाई जानकारी दिनुभयो ।

२३ जनाको कार्यसमितिका लागि ६९ जनाबिच कडा प्रतिस्प्रर्धा भएको थियो ।

कल्पना डुम्रे

लेखकबाट थप

• बुधवार, फाल्गुण २८ २०८११०:०४:३३

• Tags:

  # नयाँगाउँ खानेपानी उपभोक्ता तथा सरसफाई संस्था # मीना जीसी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा