बुटवल,बैसाख २१ ।

प्रेस स्वतन्त्रता बिना लोकतन्त्र बलियो बन्न नसक्ने एक कार्यक्रम सहभागीले औँल्याएका छन् ।उनीहरूले प्रेस स्वतन्त्रताका लागि राज्यले प्रेस मैत्री कानुन निर्माण गर्नुपर्नेमा जोड दिए ।

मानव अधिकार तथा शान्ति समाज रूपन्देहीले ३१ औँ विश्व प्रेस स्वतन्त्रता दिवसको अवसरमा शुक्रबार बुटवलमा गरेको अन्तरसंवाद कार्यक्रममा बोल्ने बक्ताहरूले आम नागरिककका लागि प्रेस स्वतन्त्रता जरुरी रहने उल्लेख गरे ।

कार्यक्रममा बोल्दै समाजका केन्द्रीय सदस्य डिपि खनालले पत्रकारलाई सत्य तथ्यमा रहेर सुरक्षित काम गर्ने वातावरण तयार गर्नुपर्ने बताए । खनालले शुक्रबार देशैभर विभिन्न कार्यक्रम गरेर समाजले दिवस मनाएको बताए ।

सो अवसरमा बोल्दै नेपाल पत्रकार महासंघ रूपन्देहीका उपाध्यक्ष बिश्वास ढकालले समाजले प्रेस स्वतन्त्रता दिवसका अवसरमा कार्यक्रम गरेकोमा धन्यवाद दिए ।

ढकालले पत्रकारलाई कुनैपनि बाहानामा दबाब दिन नहुने र सुरक्षाको अनुभूति हुने गरि राज्यले वातावरण बनाउनुपर्ने बताए ।

नेपाल प्रेस युनियन रूपन्देही अध्यक्ष कविन्द्र नेपालले प्रेस स्वतन्त्रता पत्रकारको मात्रै बिषय नभएको बताए ।समाजका रूपन्देही उपसभापति कपिल ज्ञवालीले स्वतन्त्र प्रेस बिनम समाज सहि दिशामा अघि बढ्न नसक्ने र लोकतन्त्र बलियो नहुनेमा जोड दिए ।कार्यक्रममा समाजका युवा संयोजक महेश शर्मा पौडेलले पत्रकारहरूले सहि सुचना दिनुपर्ने धारणा राखे ।कार्यक्रममा समाजका पदाधिकारी , पत्रकार सम्वद्ध संघ संगठन,  सामाजिक संघसंस्थाका अभियान्ताहरूको सहभागीता रहेको थियो ।

सो कार्यक्रम समाजका रूपन्देही शाखा उपसभापति ज्ञवालीको अध्यक्षता,कोषाध्यक्ष लिलाधर लुइँटेलको स्वागत एवं एवं शाखा सचिव कृष्ण पाण्डेको संचालनमा भएको थियो ।

स्वतन्त्र एवं बहुलवादी प्रेसका लागि विन्डहक घोषणापत्र’ जारी गरेको दिनको सम्झनामा मे ३ तारिखलाई प्रेस स्वतन्त्रता दिवसको रूपमा मनाइने गरेको छ । संयुक्त राष्ट्रसङ्घीय शैक्षिक, वैज्ञानिक तथा सांस्कृतिक सङ्गठन (युनेस्को)को आयोजनामा अफ्रिकी राष्ट्र नामिबियाको विन्डहक सहरमा भएको पत्रकारहरूको सम्मेलनले ‘बहुलवादी र स्वतन्त्र प्रेसको लागि विण्डहक घोषणापत्र’ जारी गरेको सम्झनामा सन् १९९३ देखि संयुक्त राष्ट्रसङ्घले यो दिवस मनाउने निर्णय गरेको हो ।

जनताको सधैँ सबै प्रकारका सूचनामा पहुँच हुनुपर्छ र पत्रकारहरूलाई आफ्नो काम गर्न सुरक्षित वातावरण सृजनामा सरकारले सहयोग गर्नुपर्छ भन्ने बुझाउन पनि यो दिवस मनाउन थालिएको हो ।

नागरिक अनलाइन

लेखकबाट थप

• शुक्रवार, बैशाख २१ २०८१०६:४२:१०

• Tags:

  # ३१ औँ विश्व प्रेस स्वतन्त्रता दिवस # विश्व प्रेस स्वतन्त्रता दिवस # मानव अधिकार तथा शान्ति समाज रूपन्देही

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा