बुटवल,चैत्र १८ ।

बुटवल उपमहानगरपालिकाले छाडा चौपाया ब्यवस्थापनलाई निरन्तरता दिएको छ । बुटवल ७ शिवनगर सामुदायिक बनमा रहेको गौशालामा सडकमा रहेका गाईगोरुको ब्यवस्थापन गर्न उपमहानगरपालिकाले गत सातादेखि सुरु गरेको  हो ।

शनिबार बिहान ५ बजेदेखि चौराहा ,मिलनचोक, योगिकुटी , कालिकानगर , देवीनगरका सडकमा रहेका छाडा चौपायालाई गौशालामा लगिएको हो । स्थानीय , नेपाली सेना , नेपाल प्रहरी ,शसस्त्र प्रहरी , नगर प्रहरी , जनप्रतिनिधि, कर्मचारीको सहयोगमा सडकमा रहेका गाईगोरुलाई गौशालामा लगिएको हो ।

छाडा चौपायाको ब्यवस्थापनलाई निरन्तरता दिर्ईएको र सबै नगरबासीको साथको आवश्यकता रहेको बुटवल उपमहानगरपालिका प्रमुख खेलराज पाण्डेयले बताउनुभयो । सडकमा रहेका गाईगोरुलाई गौशालमा ल्याउनको लागि सहयोग गर्नको लागि उहाँले आग्रह गर्नुभयो ।

शुभकार्य वा कुनै अवसरमा गौशालामा आएर गाईगोरुलाई घास , पराल , दाना उपलब्ध गराए मनाउनको लागि पाण्डेयले आग्रह गर्नुभयो । गाईगोरुको संरक्षण गर्नु सबैको दायित्व रहेको बताउँदै उहाँले गाईगोरुको आहारको ब्यवस्थापन गर्नको लागि सबै पक्ष लाग्नुपर्नेमा जोड दिनुभयो ।

होटल तथा रेष्टुरेन्ट ब्यवसायी संघ रुपन्देहीका अध्यक्ष लेखनाथ भण्डारीले होटलमा रहेको साकाहारी खाना गौशालामा ल्याएर सहयोग गर्नको लागि आग्रह गर्नुभयो ।  शनिबार करिब २५० भन्दा बढि गाईगोरु गौशालामा ल्याईएको बुटवल उपमहानगरपालिकाले जानकारी दिएको छ ।

नागरिक अनलाइन

लेखकबाट थप

• आइतवार, चैत्र १८ २०८००९:२०:०८

• Tags:

  # छाडा चौपाया ब्यबस्थापन # बुटवल उपमहानगरपालिका

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन