बुटवल,चैत्र १८ ।

नेपाली काँग्रेसका महामन्त्री गगन थापाले पार्टी भित्र एउटा अभूतपूर्व एकता चाहिएको बताउनुभएको छ ।  ‘समुदायमा काँग्रेस कार्यक्रम’ अन्तरगत यात्राका क्रममा शनिबार दाङको गढवामा सम्बोधन गर्दै सुस्ताएर बसेको समाजलाई भरोसा र विश्वास दिलाउनका लागि पार्टी भित्र एउटा अभूतपूर्व एकताको खाँचो परेको महामन्त्री थापाले बताउनु भएको हो ।

उहाँले अब यो भन्दा अगाडिको यात्रामा आउने चुनावमा नेपाली काँग्रेसका कुनैपनि मतदाताले चुनाब चिन्ह रुख बाहेक अनेत्र कतै भोट हाल्नु नपर्नेपनि स्पष्ट पार्नु भयो ।  चुनाव अघि गरिने गठबन्धनले नेपालको राजनीति र लोकतन्त्रलाई विकृत बनाएको भन्दै थापाले  त्यो सच्याउने तथा त्यो फोहर सफा गर्ने कामपनि काँग्रेस आँफैले गर्न जरुरी रहेको थापाको तर्क थियो ।

देश दुनिया भरबाट सहकारीको रकम लुट्ने  लुटेराहरुले आज बाहिर बसेर काँग्रेसमाथि आरोप लगाइ रहेको देखेर सर्वसाधारण अलमलिएको भन्दै त्यसबाट सत्य बुझेर बाहिर निश्कन जरुरी रहेको महामन्त्री थापाले आग्रह गर्नु भयो । यतिखेर मुलुकको सबैभन्दा ठूलो समस्या समाजले गुमाएको आत्मविश्वास जगाउनु रहेको र त्यो काम काँग्रेसले गर्न सक्ने र गर्नुपर्ने जोड दिनुभयो ।

समुदायमा काँग्रेस अभियान यात्रामा निस्किएका महामन्त्री  थापालाई गोबरडिहामा स्थानीय थारु नेता र सर्वसाधारणले झाँकीसहित स्वागत गरेका थिए ।  ‘थारु संवाद’ का लागि पूर्व शिक्षामन्त्री स्व. पर्शुनारायण चौधरीको ५५ झ्याले जिर्ण दरबार अगाडि उहाँले कार्यक्रम गर्नु भएको थियो । उहाँ शनिबार बेलुकी बाँके तर्फ लाग्ने कार्यक्रम रहेको जानकारी दिइएको छ ।

नागरिक अनलाइन

लेखकबाट थप

• आइतवार, चैत्र १८ २०८००९:१७:३२

• Tags:

  # कांग्रेस महामन्त्री गगन थापा

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)