शुक्रवार, आश्विन १६ २०७७

बुटवलबाट राजधानी सार्ने प्रस्तावप्रति कांग्रेस रुपन्देहीद्वारा खेद प्रकट,आन्दोलनमा सहभागी हुन सबैलाइ अपील

नागरिक अनलाइन

6.7K

बुटवलबाट राजधानी सार्ने प्रस्तावप्रति कांग्रेस रुपन्देहीद्वारा खेद प्रकट,आन्दोलनमा सहभागी हुन सबैलाइ अपील

बुटवल,असोज १६-

प्रदेश ५ सरकारले शुक्रबारको संसद वैठकमा पेश गरेको राजधानी सार्ने प्रस्तावप्रति विरोध जनाउदै नेपाली कांग्रेस रुपन्देही आन्दोलनमा उत्रिएको छ ।

उक्त प्रस्ताव संसदमा टेवल भएलगत्तै कांग्रेसका कार्यकर्ताहरुले सडकमा उत्रिएर विरोध जनाएका छन् । पार्टी सभापति अब्दुल रज्जाकद्धारा शुक्रबार जारी गरिएको विज्ञक्तीमा कांग्रेस रुपन्देही कठोर आन्दोलनमा उत्रिएको उल्लेख छ ।

शेर वहादुर देउवा नेतृत्वको सरकारले विगतमा रुपन्देहीलाई अस्थायी राजधानी तोकेको भन्दै अव पनि नेकपाका केहि नेताको स्वार्थमा रुपन्देहीवाट राजधानी प्रयासको खिलाव सडक र सदन तताउने विज्ञक्तीमा उल्लेख छ ।

कांग्रेस रुपन्देहीको विज्ञक्तीमा पार्टिका आम कार्यकर्तादेखि रुपन्देही तथा छिमेकी जिल्लाका सर्बसाधारणहरुलाई यो आन्दोलनमा सहभागी हुन अपिल गरिएको छ । वहुसंख्यक जनताको केन्द्र, पुर्वाधारका हिसावले उपयुक्त रुपन्देहीबाट राजधानी सारेर दाङ लैजाने नेकपा सरकारको निर्णय प्रति कठोर आन्दोलन शुरु भएको कांग्रेसले जनाएको छ ।

साथै यो आन्दोलनवाट हुने क्षतीको सम्पुर्ण जिम्मेवारी सरकारले लिनु पर्ने समेत विज्ञक्तीमा भनिएको छ । यता कांग्रेस क्षेत्रिय सभापति हरि लम्साल र बुटवल नगर सभापति खेलराज पाण्डेयले संयुक्त बिज्ञप्ती जारी गर्दै नेकपाका जिम्मेबार मान्छेले पदसंग राजधानी साटेको आरोप लगाएका छन् ।

नेकपाले निर्बाचनका बेला राजधानीका नाममा दिएका झुटा आश्वासन अहिले आएर प्रमाणित गरेको टीप्पणी गरे । nc .jpg