बुटवल,साउन ६ ।

शनिबार पनि बिना पास सरकारी गाडी दुरुपयोग गरेपछि ट्राफिक प्रहरीले गाडी नियन्त्रणमा लिएको छ । रुपन्देही जिल्ला शिक्षा समन्वय इकाईका प्रमुख दिपेन्द्र ढकाल सवार सरकारी गाडीलाई ट्राफिक प्रहरीले नियन्त्रणमा लिएको हो  ।

शनिबार विद्यालय अनुगमनको बहानामा प्रशासनको पास बिना गाडीमा सवार भएको अवस्थामा ट्राफिक प्रहरीले गाडी नियन्त्रणमा लिएको हो ।

जिससको बा २ झ १०१० नम्बरको सरकारी गाडी नियन्त्रणमा लिइएको राजमार्ग सुरक्षा तथा ट्राफिक ब्यवस्थापन कार्यालय बुटवलका प्रहरी नायव उपरीक्षक होमबहादुर थापाले नागरिक अनलाइनलाइ बताए । उनले नियन्त्रणमा लिएको गाडी जिल्ला प्रशासनमा बुझाइदिने र सरकारी दुरुपयोगको अभियोगमा प्रशासनबाटै कारवाही हुने जानकारी दिए ।

शनिबारको दिन सरकारी गाडीको दुरुपयोग गर्दै शिक्षा समन्वय प्रमुख ढकाल नुवाकोटमा मदिरा पार्टीमा फेला परेका थिए ।

उनले जिल्ला प्रशासन कार्यालयको अनुमती विना शनिबार सरकारी गाडी लिएर घुमफिर र खानपानमा हिँडेको समाचार नागरिक अनलाइनमा प्रकाशित भए लगत्तै प्रमुख जिल्ला अधिकारी भरतमणी पाण्डेको निर्देशनमा ट्राफिक प्रहरीले गाडी नियन्त्रणमा लिएको बताइएको छ ।

शनिबार विहान बुटवलबाट केवलकार चढेर वसन्तपुर पुगेका उनी दिउँसो पाल्पाको नुवाकोटमा थिए । उनीसँगै केही निजी विद्यालय संचालकहरु थिए ।

• जिल्ला शिक्षा समन्वय इकाई रुपन्देहीको सरकारी गाडी दुरूपयोग !

नागरिक अनलाइन

लेखकबाट थप

• शनिवार, श्रावण ६ २०८००९:२२:४१

• Tags:

  # सरकारी गाडी # सरकारी गाडी दुरूपयोग # जिल्ला शिक्षा समन्वय इकाई रुपन्देही # दिपेन्द्र ढकाल

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन