सोमवार, श्रावण २ २०७९

मुक्तिनाथधाममा श्रावण शिवमहाेत्सव तथा चतुर्वेद यज्ञशाला,मुख्यमन्त्री केसीद्वारा उद्घाटन (फाेटाेफिचर)

नागरिक अनलाइन

2.2K

मुक्तिनाथधाममा श्रावण शिवमहाेत्सव तथा चतुर्वेद यज्ञशाला,मुख्यमन्त्री केसीद्वारा उद्घाटन (फाेटाेफिचर)

बुटवल,साउन २ ।

बुटवल १२ नयाँगाउँमा रहेको मुक्तिनाथधाममा सोमबार बिशेष आरतीसहित श्रावण शिवमहोत्सव तथा चतुर्वेद यज्ञशाला उद्घाटन गरिएको छ । dham a.jpg cm samman.jpg

धाममा लुम्बिनी प्रदेशका मुख्मन्त्री कूलप्रसाद केसीले रुद्धाभिषेक सहित शिवमहोत्सव तथा चतुर्वेद यज्ञशाला उद्घाटन गरेका हुन् । केसीले धामलाइ ऐतिहासिक स्थलका रुपमा विकास गरिने र सरकार धार्मिक पर्यटन मार्फत् आर्थिक समृद्धीको दिशामा अघि बढेको बताए ।

सो अवसरमा प्रदेश सांसद भोजप्रसाद श्रेष्ठ,बुटवल नगर प्रमुख खेलराज पाण्डेय लगायतले पूजाअर्चना गरेका थिए । सो अवसरमा मुख्यमन्त्री केसीलाइ अभिनन्दन गरिएको थियो । muktinath dham.jpg

धाममा प्रमुख संरक्षक स्वामी लोकानन्दले प्रदेशकै मुल धामको रुपमा मुक्तिनाथधामलाई स्थापित गरिएको बताए । उनले धामको गुरुयोजना पूरा गर्न थप ३ करोड आबश्यक रहेको बताए । उनले प्रदेश सरकार ,उर्जा,पर्यटन मन्त्रालय तथा स्थानिय सरकारबाट धामको प्रबर्धनमा भएको सहयोगप्रति आभार ब्यक्त गरे ।

mandir muktinath.jpg

धाममा सेवाका लागि २० भन्दा बढी धार्मिक संघसंस्थाका पदाधिकारीको उपस्थिति रहेको थियो ।

साउनको पहिलो सोमबार आज देशभरका शिवधामहरुमा बिहानदेखि भक्तजनको घुइँचो लागेको छ । सूर्य दक्षिणायन भएको पहिलो साउने सोमबार भगवान शिवको प्रिय भएकाले यस दिन शिवालयमा पूजा, ब्रत, दर्शन एवं जल चढाउने परम्परा छ ।

साउन महिनामा पवित्र नदी, तालबाट जल लगेर शिवालयमा चढाउन बोलबम यात्रा गर्ने चलन बढ्दै गएको छ । यस्मा युवापुस्ताको पनि बाक्लो सहभागिता हुँदै गएको देखिन्छ । dham a.jpg

साउनको सोमबार व्रत बसी भगवान शिवको उपासना गरेमा पारिवारिक कल्याण, सुख शान्ति एवं मनोकांक्षा पूरा हुने धार्मिक विश्वास रहेकाले शिवधामहरुमा बिहानैदेखि श्रद्धालुको ओइरो लागेको हो ।

रुपन्देहीका शिवधामहरु मुक्तिनाथधाम, सैनामैनाको पर्रोहा परमेश्वर बोलबमधाम, नरेनापुर शिवधाम, सिद्धबाबाधाम, निलकण्डबाबा धामहरुमा पनि बिहानैदेखि भक्तजन जर्लापणका लागि पुगेका छन् । mandir a.jpg